影片
更多
2024-08-11
2492 瀏覽
我哋一行人三大兩小，入門口之前都問清楚佢小朋友收費。咁佢都好清晰咁話超過130cm 就當成人收費。咁OK嘅，大家清晰。咁我哋就一個小朋友過130cm , 一個就唔過，咁即係收費上三個成人一個小朋友。之後因為我哋兩個大人想食+88海膽set，因為兩個小朋友唔食得生野，所以入門口前都問清楚點樣計算。當時服務員就話海膽set只計兩個成人。OK咁就入座啦。點知食食吓，又另一個服務員就行過嚟，話海膽set公司規矩要收埋計咗”成人”各位小朋友喎。咁我都食到一半啦，可以點？呢下唯有算啦硬食啦。點知道收錢嘅時候，就發現嗰總額有問題，即刻拎張單睇睇，發覺佢另外一位計小朋友嘅都收埋海膽價錢。然後仲發覺加一服務費，應該係10%，但佢就收多過10%。咁就問一問啦。佢過嚟解答，話服務費嗰10%係按原價收費喎，原價係$800 喎，但由頭到尾都冇人同我哋講過原價係幾多錢。仲拎個牌過嚟，話個牌有寫，果隻字仲細過芝麻😓。咁算啦我只係心諗好彩原價唔係萬五蚊😂。講真，嘢食就普普通通，不過不失，啲牛冇乜牛味。如果嘢食嚟計，呢個價錢就真係好多更好嘅選擇。性價比唔高。唯一要讚一讚，就係白鱔好好食。不過個海膽set就真係唔建議大家
之後因為我哋兩個大人想食+88海膽set，因為兩個小朋友唔食得生野，所以入門口前都問清楚點樣計算。當時服務員就話海膽set只計兩個成人。OK咁就入座啦。
點知食食吓，又另一個服務員就行過嚟，話海膽set公司規矩要收埋計咗”成人”各位小朋友喎。咁我都食到一半啦，可以點？呢下唯有算啦硬食啦。
點知道收錢嘅時候，就發現嗰總額有問題，即刻拎張單睇睇，發覺佢另外一位計小朋友嘅都收埋海膽價錢。然後仲發覺加一服務費，應該係10%，但佢就收多過10%。咁就問一問啦。佢過嚟解答，話服務費嗰10%係按原價收費喎，原價係$800 喎，但由頭到尾都冇人同我哋講過原價係幾多錢。仲拎個牌過嚟，話個牌有寫，果隻字仲細過芝麻😓。咁算啦我只係心諗好彩原價唔係萬五蚊😂。
講真，嘢食就普普通通，不過不失，啲牛冇乜牛味。
如果嘢食嚟計，呢個價錢就真係好多更好嘅選擇。性價比唔高。
唯一要讚一讚，就係白鱔好好食。
不過個海膽set就真係唔建議大家加，除咗佢包嗰一小板海膽，其他所謂嘅海膽食品，舊海膽仲細嗰塊指甲。
不過嘢食好唔好食都係其次，收費唔老實亂咁收費就已經真係令我冇下次。
張貼
