kikusan (已結業)

平日放工Kikusan 都係好多人喺出面排隊，反而星期六8:00左右二人枱淨係等5張枱，好快就有得去食。餐廳嘅裝修靚，環境舒適。主打上海菜+日本菜fusion。我哋叫咗擔擔麵、抄手、卷物、刺身。千層豬扒擔擔麵：厚身豬扒係由幾塊薄豬扒合併而成。豬扒係放喺麵上面一齊上，所以豬扒底個脆皮已經浸淋咗啲。豬扒有啲乾，肉汁少，有啲失望。厚切牛脷煮大根：牛脷入口鬆軟，蘿蔔清甜！刺身拼盤：有五種不同刺身，帶子厚切，甜蝦大隻又好味。所有刺身都好新鮮。Kikusan 卷：有海膽、碎吞拿魚、三文魚籽。用料新鮮，一個卷滿足幾個願望，卷中間仲包住青瓜，有啲清新嘅感覺。紅油抄手：其實食到呢度已經有啲飽。抄手飽滿，餡料紮實，皮好滑加埋啲紅油，惹味十足。