泰胡椒餐廳

營業中

休息中

細妹叫去食飯, 佢話想試下個同事介紹o既泰國店, 好早黎到, 得一檯客, 地方唔算大, 感覺幾娘, 侍應又冇笑容。我地研究左一輪餐牌後, 決定點黃咖哩魚, 炸蝦餅, 香茅包雞。先上檯o既係咖哩魚, 聞落都有咖哩香味, 薯仔份量等約魚o既三倍, d魚好腍, 入口即化o個種, 冷藏急凍魚都少食到咁'化' lor, 再黎o既係蝦餅, 睇個樣唔錯, 咬落熱辣辣又脆, 但就冇嘜味, 內裡有d碎蝦,好似好懶wor, 嘜唔係要打成蝦膠先至黎做餅o既咩？咬到落d蝦肉到反而食到淡淡腥味, 最後來個雞, 頗黑的外貌, 心想外表唔係咁靚唔緊要, 最緊要好食, 一食之下, 味覺話我知, 完全辨認唔到究竟係嘜味, 只知係怪味, 抬頭望下個妹, 巳見佢額頭撓起數條紋, 未等我出聲巳經開口話有怪味, 同個侍應反應, 佢好有禮貌咁幫我地取消左佢, 原想俾返個OK 面佢, 但諗諗下, 兩樣野成百四蚊, 仲要係咁o既質素, 真係俾唔出手。