金豪酒家

韓流興層層蒸海鮮塔, 港式酒樓觸角敏銳, 好快已經做出中式蒸海鮮, 仲比韓流多款式, 除咗蒸海鮮, 仲可以蒸肉蒸菜, 香港人真係好堅.

是晚幫襯金豪酒家剛剛由中式酒家轉型為海鮮蒸氣石鍋, 個石鍋外型獨特, 好似中東式蒸籠. 同韓式層層蒸唔同, 佢每次都係蒸一層, 同有時間制控制時間火力大細.

由於好肚餓, 等食蒸物前先叫小食沙薑豬手, 沙薑唔係用粉開, 而係切粒沙薑, 豬手切得好大塊, 好有咬口, 要用d牙力先咬得開.

1

沙薑豬手

$58

蒸物首先食蒸海鮮先, 花蛤皇賣相好靚, 每隻都有條紅色邊, 食落鮮甜.

花蛤皇

$88

海中蝦肉質彈牙新鮮.

海中蝦

$96

蒸日本大元貝皇比一般出面少油, 可能出面蒸最後通常都會淋d滾油.

日本大元貝皇

$96

蒸完海鮮就到蒸肉蒸菜. 手剁肉丸質感唔錯.蒜蓉蒸勝瓜清腸胃又飽肚.

1

手剁肉丸

$68

1

蒜蓉蒸勝瓜

$78

最後食排骨粥係一開始就放入石鍋, 吸收其他蒸物精華, 不過d粥比較淡, 吸收唔到咩鮮甜味, 要加d胡椒花生同蔥調味.

排骨粥

$58

間酒家俾我最深印象係d員工說話語氣好有禮貌, 服務週到, 例如佢會問你冷氣會唔會太凍, 又會主動攞胡椒粉同蔥話加落d粥好食d, 係中式酒家少見.