玉桃軒酒家 (康怡廣場) (已結業)

玉桃軒呢間中式老字號，今日去食打邊爐！入到去睇吓菜單，見到有叫牛肉送湯底嘅優惠，我哋即刻叫咗個中上等嘅牛肉，再加咗個四川麻辣湯底。先講四川麻辣湯底，一開始食覺得冇乜特別不是太夠味，點知食下食下味道開始出，湯底好香。而二百幾蚊嘅牛肉，上菜嘅時候大家都好驚訝，因為佢份量好多，有成三四十塊！仲要每塊都肥瘦均勻，牛香肉嫩，正！另外仲叫咗手打丸拼盤、餃拼盤及蔬菜拼盤，全部都份量好足好新鮮！最特別係佢嘅醬料，有好多好有特色，平時邊爐都冇嘅醬料，例如櫻花蝦辣醬、XO醬等，配邊爐一流！再者，座位寬闊，服務員爽快，有機會再去！