影片
更多
2016-04-18
515 瀏覽
屋企附近開咗間cafe, 睇menu仲有紫薯latte!!!! 聽見到想試, 於是就趁放假去試下啦, 點知杯紫薯latte一嚟到, 賣相已經率先扣分, 拉花都冇, 響奶泡上面倒d 紫薯粉就算... 一飲仲失望, 完全唔夠熱, 仲飲到有粒砂糖未溶, 而且所謂嘅紫薯latte 係完全冇紫薯味...食物方面我order 咗份all day breakfast, 連埋杯latte 盛惠$95, 但未食已經一肚火, 等咗45分鐘都未有得食, 去櫃檯問下佢開始煮未, 如果未煮我就唔要啦, cashier 姐姐好聲好氣話已經煮緊啦, 等一等啦, 點個幫我落單嗰個阿叔即刻同個cashier講: 「都同佢講咗all day 要等架啦!」, 嘩嘩嘩, 我想話落單時佢完全冇提過囉! 早知要等咁耐我就改叫其他嘢啦! 好! 既然你話已經煮緊, 我即管睇下你煮幾耐同煮d 咩出嚟!!!結果, 足足等咗一個鐘, 個all day breakfast 先煮好, 其實當時間cafe 都有吉檯, 到底點解要等咁耐我真係唔明... 落單嗰個阿叔仲要加多句: 「又煎又炒又炸咁多工序係耐d」, 嘩!!! 真係唔講唔知原來一個al
食物方面我order 咗份all day breakfast, 連埋杯latte 盛惠$95, 但未食已經一肚火, 等咗45分鐘都未有得食, 去櫃檯問下佢開始煮未, 如果未煮我就唔要啦, cashier 姐姐好聲好氣話已經煮緊啦, 等一等啦, 點個幫我落單嗰個阿叔即刻同個cashier講: 「都同佢講咗all day 要等架啦!」, 嘩嘩嘩, 我想話落單時佢完全冇提過囉! 早知要等咁耐我就改叫其他嘢啦! 好! 既然你話已經煮緊, 我即管睇下你煮幾耐同煮d 咩出嚟!!!
結果, 足足等咗一個鐘, 個all day breakfast 先煮好, 其實當時間cafe 都有吉檯, 到底點解要等咁耐我真係唔明... 落單嗰個阿叔仲要加多句: 「又煎又炒又炸咁多工序係耐d」, 嘩!!! 真係唔講唔知原來一個all day breakfast 係要煮一個鐘咁耐!!!
好啦, 其實個all day breakfast同杯latte 差唔多, 賣相非常差: 中間幾塊生菜吱一堆沙律醬響面, 塊蕃茄冇煎過就咁薄切一片上面擺d 碎蛋沙律, 牛角包係淋嘅, 黑松露炒蛋炒到老哂, 薯餅好重油益味仲要竟然係彈牙嘅 (因為撈太多麵粉), 塊煙肉又冇煎到脆邊, 真係唔知點解要搞成粒鐘, 一定冇下次......
張貼