皇室甜品 (城南道)

營業中

休息中

啱啱幫襯咗一間黑店食午餐,食到成肚氣,火辣辣,咪揾間甜品店中和一吓情緒囉.路經此店便入去試吓.今日叫咗兩款甜品嚟食,第一款係宇治金時,成份有綠茶雪糕,紅豆,白玉同雪花冰,雪糕有綠茶嘅清香,可惜不夠軟滑.紅豆質感軟硬適中,味道又唔會太甜,幾好.白玉應該係糯米粒,煙煙韌韌幾有咬口.但雪花冰得表面甜,食到中間已經冇乜味道,此點要扣一點分.整個甜品味道特別,可以一試.第二款係龍珠二世,入面有芒果,龍眼,朱古力雪糕,水晶珠同黑珍珠.龍眼清甜,朱古力雪糕就過甜,都係嗰句,唔夠香滑,水晶珠爽口,黑珍珠就煙韌,如果芒果冇咁酸會更好,整個甜品配搭得宜,味道OK.