囍慶酒家

營業中

休息中

因為團購有特價，所以去呢間試吓。地點其實都頗為唔就腳，如果夜晚放工嚟交通又唔方便， 由沙田港鐵站，行出外面落斜路坐27號或者27A小巴 15分鐘左右到， 不過等車都差唔多十分鐘。🤔 最終同朋友選擇咗星期六下午嚟食，可以由早上十一點食到下午四點，冇限時同朋友聚舊傾餐飽就最好，食完可以行吓科學園。😚 其實佢同黄埔 海雲天個套餐都有啲相似。食物味道還可以，但係上菜都係好急， 未食完就不停咁上， 最慘佢張枱又細，搞到有啲食物要即刻放埋同一碟。 環境好似一般嘅酒樓，面積唔係好大， 有啲逼夾 。 上湯蒸龍蝦半隻好新鮮多肉， 皇子鴿就冇乜肉， 胡椒蟹煲都ok惹味， 紅梅白雪蒸蟹鉗，個鉗好細。 不過開頭有啲混亂，我哋訂咗兩份餐， 但係就上咗一份 ，後尾查清楚原來佢哋攪錯，補番上。 侍應服務都可以 。