上野鐵板燒專門店

營業中

休息中

返工咁辛苦，中午點都要食好d。今日決定食呢間日式鐵板燒。鐵板燒係大家心目中都係高消費食品，但呢間餐廳中午套餐卻非常抵食，價錢都係由40幾蚊起。中午套餐包前菜沙律，麵豉湯，主菜，白飯，飲品同甜品，抵食到無朋友。今日叫了一個羊肉套餐所有套餐即叫即整，廚師會在你面前即場炒，但又唔會攪到整個餐廳煙霧瀰漫。唔洗幾分鐘，一碟熱辣辣既羊肉就放到我面前。羊肉炒得恰到好處，唔會太老，非常好味。主菜配以椰菜，味道鮮甜。以呢個價錢可以食到咁多好味既野，又飽肚，夫復何求。呢間餐廳已經成為我既常駐餐廳之一。