壽司郎 (樂富廣場A區)

營業中

休息中

壽司郎walk in一向都要大排長龍，收工唔想等經app叫咗外賣自取，預啱時間去到唔使等，拎完走得。叫咗個精選三文魚盛合2人前，有煙燻三文魚、炙燒三文魚腩、三文魚腩、厚切三文魚及三文魚卷各4件，啱晒鐘意食三文魚既朋友。壽司件件都新鮮大件，色澤靚，有雪白油花，見到都流晒口水。壽司飯係用日本米，有醋味，飯夠紥實，唔會一夾就散。入口啲魚油香味泌晒出嚟，件件三文魚都鮮甜軟滑，呢一餐真心好滿足。壽司郎keep到一貫高水準，難怪長期都咁多人幫襯。