壽司郎 (樂富廣場A區)

壽司郎平時生三文魚17蚊兩件，遇啱做優惠只需17蚊就食到三件，真係幾抵，每次出優惠都一定要叫多輪。如果愛食生三文魚，又想平食高質壽司，呢度絕對係心水之選。除咗三文魚，茶碗蒸都值得一試，滑同有蛋香，入面料都唔少。炸薯條夠熱身，外脆內軟，細路都會鍾意。成個體驗都幾輕鬆，人均唔使使好多已經食得飽。推介早餐、下午茶甚至夜晚都可以一試，記得睇定有無優惠再去。…查看更多

富士產熟螢光魷魚軍鑑：個人不太喜歡這款壽司，樣子是挺有朝氣，眉飛色舞般，看來亦很足料，但熟成就沒甚麼特別香味，有咬口，但說不出個所以然來，跟壽司飯感覺好像分開，這比較像小食下加了一糰飯作飽肚之用，當中設計和理念我都看不太懂，是不難吃的，喜歡吃螢光魷魚的人可能視為珍寶，有興趣的人也可一點試個究竟，說不定覺得很驚喜。味道方面是沒有腥味或臭味，但因為是熟成，又涼涼不熱的關係，也說不上它是否新鮮，但打卡是挺漂亮，亦很有特色的。…查看更多

一家人去食壽司郎，水準差唔多同其他分店一樣，不過不失咁啦，食物好快送到，因為嗌得太多搞到成枱都係，爭啲擺唔落。其中出名嘅甜品都好好味，嚟到真係冇理由唔食個甜品齋食壽司囉。…查看更多

我入去食嘅時間唔係咁多人，星期一至五嘅時候有下午茶，不過我冇叫到，反而周圍嘅人就不停叫下午茶，但係一個奇怪嘅現象，好多人都係等接近五點嘅時候叫下午茶，就係cut五點應該係佢哋唔想食夜晚嗰餐？咁就較啱時間先叫，點知電腦版已經冇咗下午茶選擇，於是坐喺我隔籬嘅女仔就問佢哋，咁佢哋睇咗一陣仲有10幾分鐘先至過五點，就於是叫廚房整返一份俾佢食完啦，就係大概五點左右，咁我撳鐘叫佢埋單，等咗10幾分鐘都冇人理喎，覺得奇怪因為場內見到好多人行嚟行去，但係始終冇一個會走埋嚟幫我埋單，於是我就索性見人行過就截住佢哋，點知未有人買嚟嘅時候，我竟然見到喺我身後有一個男嘅行過，仲要係細細聲話食屎啦！我心諗我埋單咋喎點解我要食屎呢？最後有一個女仔走埋嚟，咁我終於都買咗單，出去自己自助付費嘅時候嗰部機永遠都係出唔到嘢，又係要佢哋走埋去搞呢樣搞嗰樣換紙撳機先至再重新印到張單俾我，期間仲見到嗰個男人行嚟行去眼啤啤！呢間分店啲人其實唔想做可以辭職㗎，點解要咁樣對啲客？…查看更多

壽司郎 x 排球少年🏐!!聯乘，再加上今日 母親節，一於同媽媽食壽司郎叫咗以下食物花束壽司芭菲“新品”壽司郎母親節期間限定💐花束壽司芭菲內有飛魚子、切咗粒嘅玉子燒、吞拿魚赤身、吞拿魚蓉、三文魚子等製成玫瑰花芯及花瓣嘅形狀，幾好食同幾靚吓燒肉味醬漬長鰭吞拿魚“新品”食落有少少辣，味道還可以生拌三文魚軍艦我的最愛😋炙燒生姜醬叉燒平時幾好，但今次啲肉，有啲肥三文魚牛油果卷平時好少叫，味道都OK整體來講，咁多間分店，我覺得樂富，食物質素同服務都比較好同穩定…查看更多