稚

營業中

休息中

見到咁多正評就諗住放工過黎試下，叫咗原條饅魚定食（$138+$30）鰻魚上嚟個顏色唔錯同埋好厚，本身都好期待，但唔知係咪因為好厚，鰻魚邊緣係熱嘅，而中間係凍嘅，我都有啲懷疑鰻魚係唔係應該凍食，就問返侍應，佢話係應該熱食同埋換條比我。等到我碗飯凍晒，第2條饅魚上嚟，我即刻檢查中間係咪凍，點知又係凍嘅！試咗其他位都係咁！真係唔敢相信，咁就同侍應講，搞到我都有啲尷尬，佢同廚房講「又凍喎」就拎返第2條魚去重新叮熱。到第2條魚第2次送上嚟，見到魚出煙就覺得好啲，至少係熱嘅。食到咁耐發現魚嘅頭尾部份都叮到焦，硬得都唔能夠食，我決定放棄再食，決定埋單離開。