韓餐

營業中

休息中

香港仔街坊見開左排，諗住食韓燒可以懶唔洗岀銅鑼灣韓雅林點知一入到去配菜得4碟，仲要有碟雲耳。而冷氣亦唔夠凍。另外抽氣就更加無，而家一年未就還好，過一排就一定成間油淋淋。不單止，仲要啲餐紙求其俾廚房紙你就算。而且個爐仲要係淘寶貨。阿姐仲要開頭自薦幫我地燒。一燒就癡住底，完全唔熟手。然後開頭連豉油都無俾，問佢拎就俾一碟，但我地三個人。之後再問呢一位姐就俾另一隻鼓油一睇就知唔係同一款。之後啲肉全部無聞無味，不單止份量少，仲要剪到好薄好細條。完全唔得好彩開諗住試下先，叫左三碟，而三個人食三碟完全唔夠，結果都係死死氣岀反銅鑼灣食韓雅林。但都要369，一啲都唔平。同阿姐講唔好食仲要話我地係第一個，點知一上openrice 就見到有好多人咁講，希望大家唔好學我地比錢買難受，我嬲到生平第一次係OpenRice寫評價警惕一眾街坊。Btw 肯定唔係韓國人開，成班都大陸口音仲要廚房播啲大陸歌。