餃子園

營業中

休息中

第一次去，得我一枱，一枱啱啱走，無所謂啦，叫左碟羊肉餃$68十隻，而家疫症期間，梗係浸下啲筷子、匙羹先啦，見佢一個拖緊地，一個收緊錢，咁我費事麻煩人，自己招呼自己，去門口個櫃仔倒左半杯茶浸野，費事太浪費，原本叫左杯凍豆漿，見佢就咁放係門口個櫃度，無雪住，我話要凍嘅，個老老地嘅伙記話啱啱攞出黎，但好明顯擺左好耐嘅，跟住個高瘦戴眼鏡嘅職員就走埋黎，你倒左山渣茶嗱，原來呢杯野盛惠$13，我問要錢架，我倒果時又唔講，個壺又無寫住，我話都浸左野，點飲，佢重話甜甜地好好味喎，我真係想請佢飲左佢，就係咁，我用$80大元食左一個唔飽嘅水餃，佢重收少我一蚊咁大把，真係多謝晒，下次去嘅朋友真係要小心啦，反正我就以後唔會去，都未試過咁差嘅鋪頭。