食代館 (MOKO新世紀廣場) (已結業)

琴晚因為陪一個朋友去店舖換贈品，換完就順便平平哋喺MOKO嘅食代館食嘢，睇完一圈有咩嘢食，我鍾意食冬陰功，所以揀咗一間叫越泰，食泰國嘢。價錢唔平唔貴，50幾蚊不包嘢飲。本身覺得食物質素一般就夠了，不過比預期中差。叫咗雞翼冬陰功湯河，同一個青咖喱雞飯。冬陰功湯一般，夠辣，但係唔夠奶味，不過呢個價錢我都唔會要求太多，有三隻雞翼，不過醃得太鹹，食完好口渴。青咖喱又係得個辣，冇椰香味，雞肉應該係雞胸肉，鞋恰恰，唔入味。唔會再試呢間。