影片
更多
2018-06-04
1990 瀏覽
本身只係Openrice做開CD-ROM, 但今日食完呢間野要上黎俾番個負皮先得。今天本打算食附近一間Cafe, 點知到步才知道冇開門, 經過條加太賀街就行一下, 立下眼睇個menu覺得佢D價標得奇奇怪怪咁, 價錢參差。有個著曬和服既姐姐係度拉客, 當下因為肚餓同諗唔到食咩, 所以在冇睇Openrice既情況下就朦住面入左閘了。入到去已經感覺到同出面截然不同既氣式, D waiter 姐姐不論作風同語氣基本上同茶記落單既姐姐冇咩分別, 好坦白份MENU D相, 好舊, 又唔清, 唔緊要啦, 都係食野嗜唔係睇攝影展。最過癮係落單時我叫玉子壽司, 姐姐覆我: 即係蛋壽司啦..ok you win....(P.s. menu上係真係寫蛋壽司既, 但作為一間日本餐廳, 至小都扮下野將個名轉下吧? 咁XX牛肉鍋你唔叫佢做肥牛粉絲煲)最後Order 左一碟玉子壽司, 一碟芝鰻卷, 4隻唔記得左咩餃雞翼(有D似入面釀左野既名太子雞翼), 同埋一個類似牛肉鍋既菜。首先個唔知咩餃雞翼, 賣相同卤水雞翼個樣差唔多, 不過脹小小咁解, 隻雞翼烚/滾到非常淋, 個感覺好似放左係鑊度烚左好耐咁, 入面脹卜卜既釀
今天本打算食附近一間Cafe, 點知到步才知道冇開門,
經過條加太賀街就行一下, 立下眼睇個menu覺得佢D價標得奇奇怪怪咁, 價錢參差。
有個著曬和服既姐姐係度拉客, 當下因為肚餓同諗唔到食咩, 所以在冇睇Openrice既情況下就朦住面入左閘了。
入到去已經感覺到同出面截然不同既氣式, D waiter 姐姐不論作風同語氣基本上同茶記落單既姐姐冇咩分別,
好坦白份MENU D相, 好舊, 又唔清, 唔緊要啦, 都係食野嗜唔係睇攝影展。
最過癮係落單時我叫玉子壽司, 姐姐覆我: 即係蛋壽司啦..ok you win....
(P.s. menu上係真係寫蛋壽司既, 但作為一間日本餐廳, 至小都扮下野將個名轉下吧? 咁XX牛肉鍋你唔叫佢做肥牛粉絲煲)
最後Order 左一碟玉子壽司, 一碟芝鰻卷, 4隻唔記得左咩餃雞翼(有D似入面釀左野既名太子雞翼), 同埋一個類似牛肉鍋既菜。
首先個唔知咩餃雞翼, 賣相同卤水雞翼個樣差唔多, 不過脹小小咁解, 隻雞翼烚/滾到非常淋, 個感覺好似放左係鑊度烚左好耐咁,
入面脹卜卜既釀料應該係豬肉, 加小小碎菜, 可能煮太耐, 勁"鞋"口, 勁似菜肉包入面D餡料...自問自己都係狗屎垃圾都食既人, 而且一隻雞翼我覺得好難煮得唔好食,
但呢隻唔知咩餃雞翼個人認為堅係唔掂..
之後芝饅卷, D飯質地又係唔掂, 味道我覺得普普通通, 最得意係入面有片紅蘿白, 奇奇怪怪咁款。
然後到蛋!壽司, 都係D飯質地唔掂, 淋pat pat 咁。
最後個唔知咩牛肉鍋, 個賣相同我係屋企free style 煮冇咩分別, 明明牛肉片變左牛腩, 而且牛腩有好重"SO"味,
成鍋野水"NAIL NAIL"咁, 但牛腩份量真係偏多, 最後都食唔曬。
最後埋單三百尾, 唔平唔貴, 個人認為呢個價錢仲有改善空間, 而且從女友口中得知加太賀已趷立多年, 而且看到有非常多既鋪位,
唔知係咪早年買落鋪位, 所以唔憂做唔需要提昇品質, 如果無心戀戰, 不如放番D鋪位俾其他食肆租用好過
張貼