皇朝明珠

營業中

休息中

假日行完大佛就去大埔，同屋企人提早慶祝母親節。皇朝明珠位置自成一角，好多泊車位，裏面有個花園，有室外位，直望海邊，所以感覺好舒服好有度假feel。餐廳入邊都好大，10幾人枱，包房都有。🍀招牌明爐燒脆皮乳豬超級薄脆乳豬，燒得均勻，脆皮非常靚。🍀鮑參翅肚羹一人一盅鮑參翅肚羹，有鮑魚絲，魚翅，海參，瑤柱，好香同濃郁嘅海鮮味。仲有火暖住，可以慢慢食。🍀 紅燒乳鴿脆皮乳鴿，外皮薄脆，內裏非常多汁，充滿肉香。🍀 法式紅酒燴牛尾非常好食，牛尾炆得腍滑，有紅酒嘅果香，食完介紹原來除咗紅酒之外，仲落咗白蘭地收汁，所以牛尾味道香濃帶甜味。🍀上湯浸魚鰾勝瓜勝瓜清熱甜香，魚鰾索晒上湯汁同埋勝瓜嘅味道，推薦。🍀 蝦仁，櫻花蝦，蝦籽蝦醬炒飯本身已經好鍾意食蝦醬炒飯，呢碟簡直係所有蝦嘅精髓， 一上菜香味撲鼻！食到停唔到口。🍀 十勝紅豆桂花糕食到好飽，點個糕點滿足吓甜品嘅胃口。甜品最高嘅評價係唔太甜，帶有淡淡桂花清香。非常推薦同屋企人或者情侶拍拖過嚟飲茶或者食晚餐，環境靚，食物高質素。