泰屋

營業中

休息中

朋友屋企人係泰國人，又曾經開過泰國餐廳，推薦泰屋食船麵，就算今日T3都要嚟試吓。泰式牛肉船河-河粉好似係搵粉麵廠獨家限量製，同香港魚蛋河、越南牛肉河嘅河粉口感截然不同，半透明嘅外表，入口順滑而煙靭，仲掛滿湯汁添！配料除咗有牛肉片，仲有牛丸、豬膶、通菜、芽菜、香葉，同埋比牛肉更適合做主角嘅炸豬皮。$48 非常超值！皮蛋炸蝦餅-皮蛋有少少溏心，加上爽口彈牙嘅蝦餅，點埋開胃嘅酸甜醬，忍唔住一件接一件，眨吓眼清晒成碟。