Nonsense

午餐同同事一齊食nonsense, 餐廳唔算好大，我哋十幾個人去，d同事傾計有點嘈。四個人share四樣嘢餐湯係南瓜湯,味道好濃郁，好滑。軟殼蟹咖哩飯軟殼蟹炸得好鬆脆,大細都足夠四個人分，每人有一小舊。不過咖哩就普通啲三文魚菠菜燴飯正正常常，唔算好特別明太子意粉味道最濃郁，好creamy，同事都話好好味，每次來都會嗌,不過唔記得影相窩夫雪糕未到已經聞到窩夫嘅香味，不過都等咗好耐。外表係心型嘅，好靚，四個人分一人一塊，啱啱好，窩夫好鬆軟， 伴碟嘅哈蜜瓜都好甜。 加埋雪糕一齊食，做飯後甜品最適合 不過窩夫雪糕唔係餐，所以冇嘢飲。 餐廳冷氣有啲凍，啲食物嚟到好快凍曬，所以要快啲食啦。