茜廊餐廳 (德福廣場1期)

營業中

休息中

之前係上水都食過茜廊，下午茶一送一，仲要係扒餐，好味又抵食👍今日同老公去九龍灣睇完戲又見到茜廊，見之前冇試過佢既晚餐，睇餐牌都幾吸引，就入去試試吧！入到去環境都唔錯，d 位都幾闊，坐低一陣就有侍應過黎落單，仲介紹餐牌，服務不錯喔！最後我地叫左2個set dinner: 和牛大蝦定食+龍蝦意大利飯~一開始黎左個忌廉湯+不得不提個蒜蓉包，熱辣辣 好好味，仲有佢有個蒜蓉醬，加埋一齊食，老公都話正呀之後仲有個好大碟既三文魚沙律，第一次見三文魚沙律有西瓜，但加埋一齊食，都不錯，好特別又清甜，仲有個黑醋夠晒酸主菜黎喇~~~我個個係和牛大蝦定食，和牛切得好薄好好味呀，加埋個汁，隻蝦係燒既，都唔錯，好香口，仲幾大隻添，另外仲有個細既薯仔沙律，佢個沙律應該加左wasabi, 好特別，好好味食到好飽!!! 老公個意大利飯都好夠味，有d 蕃茄醬加芝士，但一d 都唔漏，龍蝦仲好大隻，好足料，好好味，連大食既老公食完都話好飽最後仲有甜品，老公個蕉糖布丁唔太甜，好好味，不錯喔！我就叫左個藍莓芝士餅，佢係好鐘意食既實芝士，再加埋個碎碎底，好味呀今次真係飽到上心口，不錯既西餐，值得再黎，下次要試埋其他美食🙊