泰瀾鑊 (朗壹廣場)

營業中

休息中

今日係好姊妹生日，因為佢家姐住元朗所以介紹左我地去呢間泰國菜餐廳食晚飯，我地由朗屏站步行約8-10分鐘就到，呢間餐廳既戶外都好有泰國風味，秋涼既天氣就最岩坐戶外感受一下好似去左泰國既氣息。入面既環境都好舒適，一坐低店員就送上前菜脆蝦片，我地分別叫左明爐魚，串燒雙拼，馬拉盞通菜，肉碎炒飯同埋咖喱軟殼蟹拼薄餅！每樣都各有特色，最喜歡就係咖喱軟殼蟹，濃濃的咖喱香，加埋軟殼蟹真的不錯👍🏼下次會帶埋家人來一起品嘗。