仁芝初

營業中

休息中

太耐無出街，今日同阿仔出去旺角行下，旺角靜左好多，想行下女人街，點知d街檔直頭無開，以前只會望見行緊個邊的食肆，而家反而突顯左兩邊的食肆，見無野行，於是去左一間試業的新糖水店買外賣返屋企消夜。呢間舖頭個名幾特別~仁芝初=杏仁露、芝麻糊同搓湯丸🤔我係咁諗😆呢度舖仔細細，裝修簡潔，牆上以超人為主題作粉飾。而個甜品餐單簡單直接，設計上卻見心思，無論封面的插畫，至內頁以繪畫形式介紹糖水，真的不簡單，呢兩位創業的年輕人，我真心欣賞。最後，我由旺角坐巴士返慈雲山，三碗外賣糖水一漏不漏，熱的糖水仲係暖嘅，最欣賞係個蓋，令倒汗水不會滴返落碗糖水度。熱生磨芝麻糊~芝麻糊夠香，夠滑，無得彈。熱夠薑蕃薯糖水~夠薑，夠辣，係我至愛的蕃薯糖水口味。凍楊枝甘露~滿口的芒果香味，加上金柚，更突甘甜，阿仔至愛。香港的糖水市場都爭得好利害，以「仁芝初」小店經營，希望可以努力生存下去。