101台式休閒餐廳 (青衣城2)

營業中

休息中

好日唔去青衣城，睇戲前就是但搵啲野食啦，樓下有台灣野就去試下，星期日tea time時間完全唔洗等，目測起碼現場有一半係吉位，睇餐牌都算幾多選擇，叫咗個麻辣手撕雞涼拌麵，5分鐘上菜，麵質普通無咬口，麻辣味算OK，啱啱好唔會太搶，手撕雞，其實可以告到商品說明條例，因為係雞扒切件，味道唔形容喇你當係急凍野煮熟就咁切件上，加幾條青瓜絲，50蚊打工仔lunch快飯質素咁。杯珍珠奶茶就跟餐＋5蚊，都係普通，甜得嚟無茶味，珍珠好似煮咗十個鐘咁無煙韌口感。總結，唔會再嚟！