生原創(蛋包飯) (已結業)

今次是小妹第一次寫食評，今日就去左食蛋包飯。因為之後要到如意同Thomas關係。同同事前來一試。由於事前已經book好位，一行六人就黎食個午餐。訂一點，餐廳要我地早5分鐘到，而我地都做到既。一黎到已經有位可以坐低。原來有間房仔俾我地，入面有2張枱，都ok喎。我地6個人都算坐得舒服。如果7個人都係坐呢張枱就會迫d。有個男侍應服務態度好好，相反女侍應就真係一般。叫佢俾杯水都好似好唔願意咁。未上飯已經先有沙律，應該係french dressings黎架。食完幾開胃。仲有汽水，仲要一支支，依家已經好少架啦~ 野食好快到，我叫左炸雞蛋包飯($78)，炸雞都幾好食。咖喱汁當然唔辣啦~ 蛋包飯入面係好似有d mushroom 汁撈飯咁，都幾得意。不過唔肯定係唔係mushroom 汁。不過份量就唔算多，女仔都係岩岩好。男仔可能就唔夠飽啦。同事就叫左牛舌($78)，鰻魚($90) 仲有豆腐($60)的蛋包飯。不過佢地一致都覺得無咩料係飯入面。上面呢幾款飯的食材都係切碎晒，可能因為咁覺得無炸雞咁飽，咁實在。牛舌，鰻魚果d蛋包飯就好似下面咁。