萬麗咖啡室 (裝修中)

28th Aug 2021 吃晚上早輪5:30-7:30pm 時段，$718另加一，有Marriott 會員計七折。我們四人準時到，夠鐘排隊入坐，我們早幾星期訂位只是waiting list 排第五，三日前酒店打電話來說有位，好嘢！當日發覺全場唔爆，仲有吉枱，尚算坐得舒服，唔使排隊攞嘢食。燉湯好飲，足料，每盅燉湯都有螺頭食，好味😋，我唔食牛，吃羊排都好正，有少少生但肉嫩，熱食不過不失，每人一隻熟龍蝦🦞，都幾大隻，刺身一般貨色，我冇食，生蠔唔會擺出來，記住在刺身冷盤處問人攞，每次两隻，細細隻但夠爽口新鮮，唔錯。沙律甜品很多選擇，鮮芒果班戟好吃，要試。有職員不停refill枱上橙汁，出面有熱咖啡茶自己整，還有無限refill Budwiser 啤酒。職員有禮貌，收碟收得快，但好快便提你七點半要離坐。個人覺得冇乜特別，試一次便夠。