影片
更多
2018-11-12
1287 瀏覽
一行5大2小，一個手抱一個坐bb登點左個番茄薯仔豬骨湯，手切肥牛，涼拌魚皮，墨魚滑，響鈴，糯米飯，豬肉片，皇帝菜，竹笙，粟米，烏冬，1渣茅根水，1罐可樂多謝11xx貴唔貴就見人見智啦，湯底味道average，食材都算新鮮，環境就係差，服務就...首先你要有多少幽默感事關埋單果時用信用卡俾錢，事後睇番張單，問佢5大2小都要收91蚊茶錢？佢話小朋友坐bb登先唔收茶錢。果時我真係hang曬機，手抱果個又使唔使錢呢？另一個明明坐左bb登但點解又收左錢既？定係同我地同台食飯仲有2個人我睇唔到？呢個時候個收銀講左句「唉，細佬，果十零廿蚊你咪當俾貼士囉」跟住繼續睇佢既電視其實你同我講你冇錢想問我攞百零二百蚊睇醫生我都會俾你架奉勸各位要去呢度食，果10%附加費係唔當係貼士架，你要再俾先唔會俾人𣈴架（睇之前既食評有感）
點左個番茄薯仔豬骨湯，手切肥牛，涼拌魚皮，墨魚滑，響鈴，糯米飯，豬肉片，皇帝菜，竹笙，粟米，烏冬，1渣茅根水，1罐可樂
多謝11xx
貴唔貴就見人見智啦，湯底味道average，食材都算新鮮，環境就係差，服務就...首先你要有多少幽默感
事關埋單果時用信用卡俾錢，事後睇番張單，問佢5大2小都要收91蚊茶錢？佢話小朋友坐bb登先唔收茶錢。果時我真係hang曬機，手抱果個又使唔使錢呢？另一個明明坐左bb登但點解又收左錢既？定係同我地同台食飯仲有2個人我睇唔到？呢個時候個收銀講左句「唉，細佬，果十零廿蚊你咪當俾貼士囉」跟住繼續睇佢既電視
其實你同我講你冇錢想問我攞百零二百蚊睇醫生我都會俾你架
奉勸各位要去呢度食，果10%附加費係唔當係貼士架，你要再俾先唔會俾人𣈴架（睇之前既食評有感）
張貼