春夏秋冬火鍋 (已結業)

一行5大2小，一個手抱一個坐bb登點左個番茄薯仔豬骨湯，手切肥牛，涼拌魚皮，墨魚滑，響鈴，糯米飯，豬肉片，皇帝菜，竹笙，粟米，烏冬，1渣茅根水，1罐可樂多謝11xx貴唔貴就見人見智啦，湯底味道average，食材都算新鮮，環境就係差，服務就...首先你要有多少幽默感事關埋單果時用信用卡俾錢，事後睇番張單，問佢5大2小都要收91蚊茶錢？佢話小朋友坐bb登先唔收茶錢。果時我真係hang曬機，手抱果個又使唔使錢呢？另一個明明坐左bb登但點解又收左錢既？定係同我地同台食飯仲有2個人我睇唔到？呢個時候個收銀講左句「唉，細佬，果十零廿蚊你咪當俾貼士囉」跟住繼續睇佢既電視其實你同我講你冇錢想問我攞百零二百蚊睇醫生我都會俾你架奉勸各位要去呢度食，果10%附加費係唔當係貼士架，你要再俾先唔會俾人𣈴架（睇之前既食評有感）

夜晚係附近工作完，即興去了打宵夜邊爐🤭9點半後入座會平d架！呢間係友人同佢屋企人成日食嘅打邊爐～係類似中式茶樓咁既裝修：3去到就調好個醬先d配料睇落都好新鮮點完一堆野食後就開餐了🤤🤤為咗唔好太重口味，我地叫咗蕃茄薯仔湯底。打邊爐一定唔可以無手切牛肉唔會太肥又好抵食苟菜豬肉餃。。但裡面無肉嘅水魷正！魚片 d肉都幾滑有鮮淮山～浸淋咗好好味！牛栢葉都幾爽口🙋🏻‍♀️Overall 都幾唔錯~ 可以一試

春夏秋冬的手切牛肉火鍋套餐，有多種湯底可以供大家不同的要求去選擇，今天一行四人，點了很多款食物，有云吞，水餃，魚皮餃，雞子，兩種菜，一些丸類，值得一提的是他們的新鮮即炸嚮鈴及手切牛肉，水準比價格高的質素，價錢不貴，餃類也不是一般的來貨品質，蔬菜夠嫩也新鮮，他們還有很多新鮮刺身食材，三文魚勁有魚味，絕對比得上一些高價的壽司店，還有象拔蚌刺身也是新鮮十足，師傅即製的！舊式火鍋店的一般裝潢，店員十分精神，動作快而準！大家可以一試：！

我本來無打算為這餐寫下食評所以都無影到食物相（其實都事隔左成個星期，越諗越覺得..有啲問題）我地一行2人叫左，環境比我想像中有啲污漕..可能始終要做返舊式啲嘅火鍋店掛～要講講啲調味架，個炸蒜係「億」味湯底就叫左個羅宋湯牛尾鍋拼手切肥牛一碟（$290左右），味道好好肥牛都正（但係1/3係有啲un）牛尾就沒辦法食，一來好唔林二來好似已經出晒味！叫左珊瑚蚌拼貴妃蚌 / 雲吞拼水餃 / 蝦滑拼墨魚滑...仲有其他，同3罐汽水；食物質素都尚算可以但其實一啲都唔特別同唔係話好新鮮，埋單盛惠$600幾！我朋友其實無俾貼士；在於我覺得食物同服務，甚至環境都唔係話好出色，我唔覺得唔俾貼士係「罪」囉！但當個女店員收左錢，我眼見佢同左2個店員講我地無俾貼士...（因為我聽到及佢個口形）全程我一路望實佢，佢先識收口...我相信我呢一個個別例子同人嘅問題，但我就應該唔會再嚟幫襯食完唔係笑住走仲要好似無錢俾咁...為左十蚊八蚊，做衰自己

近日很忙呢? T,T 就連最鍾意打既食評也花不了時間發表喔!今日終於有時間喇, 宜家打番補番數~ 呢間"春夏秋冬火鍋" 舊址起太子鴉蘭街, 我食過一次~ 當時印象不錯呀, 價錢合理, 食物也對得起價錢~是日, 一大伙三五知己想找個地點聚一聚十下十下  就決定去長沙灣新址試下啦呢個湯底同配料都係逐個計~  (有時唔好以為任點任食就等於好, 呢D地方唔洗好貴有食到D質素好D既野, 反而食得仲滿足)去吧~ 我們先點了滋補醉雞鍋底 (半隻) $78所有醬料都係自己配撘, GOOD呢個係屬於我的醬油 ^^ 多蒜多蔥 XD牛魔王上身, 馬上點了大地手切肥牛 (好似$148定$188) & 澳洲肥牛肉(大) $138 肉質嫩口, 牛既香濃味OK, 滾湯焯一陣就食得 , 平時最唔鍾意太多肥膏既牛肉呢個正合我心意呢~(如果係任點任食的地方通常食肥膏就多過食肉 =,=)芝士包心丸 $45 , 呢個就唔係好值得叫呀. 原來只是一般貨色, 沒有驚喜蟹子墨魚滑 $68 , 鮮墨魚滑包著鮮墨魚粒加埋D蟹子, 爽口好味鮮雞子 $58 , 第一次食.... 發現真的不是我杯茶呢, 不喜歡質感加味道 >