聚友小廚

營業中

休息中

那天中午，一個行了去京瑞那頭找地方食飯，想試下新餐廳但又唔係幾想多花錢食好野。於是，我看中了《聚友小廚》。一間開業了都有一段日子，但又從來不在我 wish list 內的茶餐廳 / 小炒店。中午來，梗係食午市的 ABCDE 餐啦。這店同區內同級數的 "佬" 飯堂一樣，個中午餐係有湯，有飯，有野飲的，算係幾抵食架。而當日的湯是一個很濃的粉葛湯，味道清甜，又多湯渣，好飲又好食。我的午餐是一個咖喱雞飯，看見這樣的一碟大白飯，就知道，這是工友的份量。而且，係港式既餐廳食得咖喱，好白然地，就會變成食飯為主，食餸為次。因為，咖喱汁係用黎撈飯食架。的確，這一個咖喱雞算是夠好味道。感覺就是很大眾化，伴入飯中，夠 creamy，夠香，有少少辣來沖擊一個味蕾，已經算是不錯的啊。跟餐既飲品係奶茶。這奶茶可以說是一個普通的出品，不差，但飲用後得不到喜悅。總之，這一餐算是不過不失，味道OK，但食飽後，我感覺不到喜悅。