美中·鴨子 (將軍澳中心)

營業中

休息中

平時經過將軍澳中心，經常見到美中鴨子門口大排長龍，平時成日都係食日本菜同西餐，今日我同男朋友想轉下食中菜😗由於係星期日，知道一定又要排好耐隊，所以我地用the gulu攞定位，唔洗企定定係度等位，可以行下商場，但最後我地都等左個半鐘先有得入座😖餐廳環境舒適，原本以為會提供茶，但原來係水🤔 茶要另外叫先有～川味蒜泥白肉$70賣相一般，無疊得整整齊齊，蒜泥份量較少，唔夠用，但唔會好咸，配上青瓜，感覺清新。無錫灌湯小籠包 （6個）$60上枱時係熱哄哄既，小籠包皮薄多汁，非常juicy😍😍😍烤北京填鴨🦆 （半隻）$158主角出場啦😆 鴨子先係佢地鋪頭既招牌菜，原本對佢係寄予厚望，可惜鴨皮唔夠香脆，餅皮略厚，鴨肉肥瘦適中，另有青瓜、蔥同甜醬作配料，減低油膩感，味道一般。蔥油餅🥨 （一個）$36蔥油餅似是新鮮即炸，我地叫左兩個，無諗到份量會咁多，但蔥油餅非常鬆化，帶有蔥香，實屬佳品。烤鴨作為美中鴨子的招牌菜，尚有改善空間。反倒是小籠包和蔥油餅，令我份外驚喜，想再三回味。