茶魚飯后

營業中

休息中

呢日約咗朋友喺將軍澳彩明苑，去到未夠鐘，又見肚餓就去咗呢間位於彩明商場三樓嘅茶魚飯后食個早餐。早餐餐牌都有好多款選擇，最後我揀咗個金妹火腿通粉配西煎雙蛋及法國牛角酥餐熱咖啡，承惠$34。通心粉入面有三片火腿，湯底係是金寶湯底，味道都唔錯只係通心粉口感略為太腍。西煎雙蛋有蛋味，牛角包是熱辣辣嘅，不過好細隻。咖啡味都算香濃，不過唔夠奶味，而且口感唔夠滑溜。整體嚟講，呢餐食物味道不過不失，不過感覺上就有少少貴。