金潮小廚

營業中

休息中

呢度嘅名菜之一：南乳炸豬手。味道還可以，不過南乳味就唔係好夠，炸得幾好，煙煙韌韌幾好食。另一道名菜：豉油王墨魚咀。個豉油王幾香，令到墨魚咀食嘅時候好香口，啲墨魚嘴都幾大粒。聽講呢一味豉汁蒸白鱔都係出名嘅，白鱔新鮮，肉質彈牙，份量比想像之中多。薑蔥美國桶蠔都幾正，冚住蓋上枱，一揭開就聞到薑蔥嘅香味，啲美國桶蠔真係好大隻同埋好肥美。魚湯竹笙雜菌時蔬清清地，時蔬就揀咗生菜，個魚湯嘅味道就勉強少少。總結就係呢間小菜館味道係OK嘅，不過有冇外面講到佢咁好食，都係嗰種可以食吓，但係又唔係好值得排隊囉。