勝博殿日式炸豬排

營業中

休息中

本來去緊食西餐,不過行過畀大大既路牌吸引住, HAHA, 原來就係喱間勝博殿日式炸豬排。日式炸豬排係日本,台灣,大陸都食過,不過今次係第一次係香港食。餐廳環境好寧靜, 裝修亦有濃厚既日本味道, 以木色做主調, 入去既感覺非常舒服。餐廳主打食豬排, 餐牌自然大部分都係豬排啦。我同朋友兩個簡左一個豬排, 一個豬柳。係未上主菜之前會先有任加既椰菜絲, 喱個部分試過咁多間餐廳都係一樣的J 我比較鐘意加麻醬落去椰菜絲到。另外會有一個小碗裝住芝麻, 用餐廳畀既磨磨碎芝麻,加入醬汁, 就係日式豬排最與別不同既地方。不過主菜反而有D失望,因為豬柳既肉入面脂肪同筋太多, 咬落去要好大力咬先可以咬到。而且皮肉有少少分離既情況, 豬排同豬柳既分別不大。個人覺得同係台灣日本既餐廳比較略遜一籌。不過環境搭救都可以既,鐘意炸豬排既可以一試。