Paisano's Pizzeria (已結業)

次次經過呢間Pizza店，都會驚嘆啲Pizza真係好大件，每次都話下次一定要黎試吓，但係轉頭就冇咗件事，難得今次同朋友出旺角諗唔到食咩，終於真係入嚟試啦🤣店舖嘅面積唔係好大，只係有五至六張枱，而且每張都係兩人位，我哋去到嘅時候揀咗窗口位坐，但大家記住如果係下午三至四點嘅時候去，千祈唔好揀窗口位，如果唔係坐坐下就會俾太陽照住😅我哋咁啱錯過咗佢個午餐時間，因為佢兩點前係有一啲比較優惠嘅午市套餐，咁我哋都照叫咗每人一件pizza同埋一杯嘢飲。🎈夏威夷薄餅我哋兩個都叫咗夏威夷薄餅，佢個餅底唔算好厚，同其他舖頭嘅Pizza唔同嘅地方係其他舖頭嘅pizza餅底上面塗既係番茄醬，但係佢塗既就係肉醬意粉嗰啲肉醬，所以食落去個口感會更好，肉醬上面就係一層芝士，但係芝士嘅份量唔算多，而且分布亦唔係太平均。而我有少少失望嘅就係薄餅上面嘅菠蘿同埋火腿其實唔係好多，同埋個Pizza上碟之後只係有少少暖，唔係好夠熱，所以整體來講呢個Pizza都係普普通通😢有啲失望🎈橙汁沙冰哩一個就唔係太建議大家叫，因為就算係我呢一個好鍾意食甜品嘅人，都覺得呢一個沙冰真係太甜啦。整體來講，依間嘅Pizza的確只係以大件作招徠，但係