金西南米線

營業中

休息中

一人午餐，本身坐二人卡位圓櫈果邊，男職員提醒枱底有掛勾，但背囊太重放棄使用；見對面客食完走了，於是就轉坐去對面梗卡位，可以易放置背囊，但剛巧有一位食客進來，男職員立刻叫停我不能轉位，因為落左單就唔可以轉位，好啦咁坐返去圓櫈果邊，但心想張枱得兩個位啫，最多都係得兩張單咁多，有必要咁嚴格嗎？但後來見到那位男職員，竟然都有叫另一位已落單的客人轉枱（因為見到枱上已有一張單據），希望他能讓出二人枱；我覺得非常奇怪，他不是講過落左單就不能轉嗎？唔通係轉枱就得轉位就唔得？明白你想做多些生意，但請不要雙重標準，貌似很有禮貌都只不過是虛有其表。食物品質係可以的，腩肉、魚皮都不錯，但真係接受唔到你想點就點的做法，生意難做，但請要檢討一下自己先，為客人多想一步。他這不合理處事方法，客人真係好難會再來。