eaaat. (V City)

營業中

休息中

同朋友慶祝生日，叫咗個二人分享套餐，點餐後半小時先至上第一杯嘢飲，途中見到其他人枱上面嘅嘢食越嚟越多，自己張檯就未見到有嘢食上，友善地問侍應係唔係漏單，之後就勁急急腳全部嘢食都上枱。由於叫個二人餐仲要加58蚊先有個安格斯肉眼扒食，加得錢通常都會期待下，好記得落單嘅時候我是應仲問我要幾多成熟，我答佢要五成。之後上到枱係一塊薄到飛起嘅普通呢全熟牛扒，望其他人枱上面嘅牛扒都係厚。之後越食越嬲，就搵經理問一問， 壽司問一問係唔係只有一款牛扒喺晚餐提供，個男經理答我有兩種，跟住我就問佢我而家喺枱上面呢個咁薄嘅牛扒係邊種，佢答「可能係安格斯肉眼扒」，聽到都嬲到震，點解唔可以答我係乜嘢，而係搭「可能」，正打算放棄詢問佢其他嘢嘅時候，個男經理講咗句「有咩唔怕可以照直講」，好波，果下佢真係好有勇氣。我都好直接咁同佢講「我唔想再食，我想走，麻煩你幫我取消咗個甜品佢」， 係呢一刻真係覺得不可一不可再🤦🏻‍♀️🤦🏻‍♀️🤦🏻‍♀️。雖然錯誤喺個經理到，但係佢個答法都幾神奇，最後臨走嘅時候同我講會同個廚房反映……我唔信會覺得有用囉。