馬辣台式鴛鴦火鍋 (創興廣場)

營業中

休息中

通常未食嘢入到間餐廳，你梗係望下啲位先啦！話曬要坐兩個鐘，大部分都係卡位🤩坐低左，第一時間揀係即係揀湯底啦！form 有大約十個湯底嘅，重點係佢可以鴛鴦鍋即係可以有兩個湯底一齊食😋我哋揀咗麻辣湯底，揀左兩辣椒（即最辣）另一個湯底揀左胡椒豬肚湯！張單除左可以揀湯底仲可以點牛肉，海鮮等配料！除此之外呢其實好多野都係自助形式嘅，咁基本野有乜就唔講啦！可以超級多選擇！不得不提！！魚腐真係超好食同埋好少地方有🙈我真係第一次見係任食火鍋！基本丸有齊，仲有埋啲台式丸🤭其實每一種你食一粒都好難囉🤣🤣飲品方面除咗有啲罐裝嘢飲，有啤酒之外！佢仲有私家整嘅檸檬茶，竹庶水，菊花茶！好多選擇！雪糕方面有成10多種呀！有意大利雪糕，有五種味包括有榴槤味，有青擰味等等！仲有drayers 雪糕(有四種味）仲有牛奶公司啦🤭我企係個雪櫃前，企左五分鐘先揀到，好多味都想食！最後揀咗三個雪糕🤤埋單仲要＄200都唔使！講真唔去真係好笨囉！如果你要食任食嘅打邊爐一定要嚟呢間㗎👍🏼👍🏼