陳茶館芋圓甜品專門店 (馬頭圍道)

營業中

休息中

呢排最HIT一定係開心果，而呢間嘅開心果糖水一定係榜上有名，今次我都唔放過黎潮聖！對比起黃埔店，呢間唔洗排太耐隊，等一陣入得。🍴開心果雪燕西米露 $52 💫8.5/10同照片係100%相同，超級開心果綠色，望到都興奮！撈勻每啖都食到有開心果碎，開心果味道都幾濃郁，唔會太甜，所以食到尾都唔會好膩。入面仲有雪燕、西米露，所以口感超級豐富。仲要有埋十幾粒招牌芋圓，煙煙韌韌好QQ，咬落仲食到芋頭/蕃薯香。咁好食難怪開心果關注組咁推薦！🍴薑汁桃膠三寶 $43 💫5/10唔叫唔知薑汁咁強勁，見到佢附嘅卡仔寫明「可能係全港最辣嘅薑」，但冇估到後勁咁強，平時食開辣薑都覺得頭一兩啖OK，但越食加埋熱更辣，有D頂唔順！同埋佢冇咩甜味，只得辣味，食得好辛苦。諗住問下有冇咩糖水可以加落去中和，但係冇。除左薑汁，芋圓、桃膠、小丸子配料係完全冇問題，水準之上。呢款薑汁要留俾平時食得辣嘅人。🌟總結：芋圓好食，QQ軟糯。開心果好正抵食。糖水好足料大碗，值得排隊食。薑汁就見人見智，個人不喜。