新香園 (堅記)

營業中

休息中

深水埗有好多好嘢食，今次揀嘅係新香園熱奶茶(茶走)，蛋牛治，西多士，牛腩米。奶茶係熱辣辣，飲到一半...飲到最尾嘅時候仍然keep到佢嘅溫度，仲係暖。個茶的香味同埋奶，好滑。蛋牛治烘底，必食! 師傅話話啲牛肉，係新鮮牛肉做，唔係用罐頭嘅免治牛肉做。另外，西多士嗰個花生醬係差不多成塊都有，平均分佈，唔會偏埋喺中間位置。牛腩米，牛筋好‘‘林‘‘，而且佢嗰個份量亦都係如圖所見，真係‘‘滿瀉‘‘。餐廳位置好容易搵到，有傳統餐廳風味。要介紹佢嘅自家製辣椒油，佢嘅自家製辣椒油配合米粉湯粉麵，真係好得! (唔記得咗影相), 值得推介!