EXP

營業中

休息中

星期六約左fd 子係又一城食飯，眼見food court 冇咩啱食，呢間又幾多人排，於是就決定同fd 子食呢間啦。星期六晏晝多人我地都明既，我地拎左飛，等左十分鐘左右就有位啦。估唔到晏晝係冇set 食既，所以我同fd 子就嗌左蜆肉意粉同大蝦牛油果醬薄餅share 食😋見佢有杯水，我地就冇嗌野飲啦。過左十分鐘左右薄餅就黎啦😳都幾美觀，料就集中係中間，有蛋蟹籽牛油果醬同大蝦！料都幾足，雖然見到有牛油果醬，但就比千島醬搶左風頭，牛油果醬的味不算重。不過大蝦都有好多隻。蜆肉意粉原來有刁草！連粒蜆都好大陣刁草味。我食左一啖意粉，真係太大陣刁草味，所以我就比左fd 子食🤣 我都係食返薄餅啦。星期六中午餐廳都算多人，但侍應都算勤力，雖然要嗌多幾次先有人應你，等找錢都等左五分鐘仲要加一，不過都可以一試既。