影片
更多
2006-06-07
52 瀏覽
今日行開太子，突然想食生蠔，見到京港酒店有燕窩海鮮自助餐，就打電話book位，接線個位先生態度麻麻，但心想唔好同5星級酒店比較啦！到了7:30pm，準時到達，但仍要等15分鐘，後來至發覺我坐o既位係臨時加上，位好窄，環境好嘈，好似係置身茶餐廳！開始出動搵食，燕窩海鮮自助餐喎，第一時間去搵生蠔，搵唔到，只得青口，刺生只得三文魚，壽司只有雞蛋及蟹柳、腐皮！三文魚刺生賣相唔得，好似炒埋一碟，唔夠涷！無生蠔得焗蠔蓋，但隻隻都係煲粥o既蠔仔！焗蟹蓋無蟹肉蟹膏！瀨尿蝦ｄ肉好"梅"唔生鮮！係炒蝦好少少！又話係海鮮自助餐，都無咩特別，仲要好多都唔得！沙律全用罐頭生果，而全場生果只得西瓜一款，亦係唯一o既新鮮生果！沙律幾款除了磨菇個款好D，其他都普通到唔普通，無特別，又唔係好食，冷盤款式好少，唔吸引！甜品無想像過咁差！話晒都係酒店西餐廳，以為唔會好差，selling point燕窩海鮮自助餐，甜品上唔見太多燕窩，D CAKE好"鞋"，又無特別款式，俾人攪到一pat pat，睇到唔開胃！普通麵包店D CAKE都好食過佢！布丁好似食藥水！小果撻cream太多！衛生方面都唔係好好，客人亂用食物夾，明明夾焗蠔蓋
到了7:30pm，準時到達，但仍要等15分鐘，後來至發覺我坐o既位係臨時加上，位好窄，環境好嘈，好似係置身茶餐廳！
開始出動搵食，燕窩海鮮自助餐喎，第一時間去搵生蠔，搵唔到，只得青口，刺生只得三文魚，壽司只有雞蛋及蟹柳、腐皮！三文魚刺生賣相唔得，好似炒埋一碟，唔夠涷！無生蠔得焗蠔蓋，但隻隻都係煲粥o既蠔仔！焗蟹蓋無蟹肉蟹膏！瀨尿蝦ｄ肉好"梅"唔生鮮！係炒蝦好少少！又話係海鮮自助餐，都無咩特別，仲要好多都唔得！
沙律全用罐頭生果，而全場生果只得西瓜一款，亦係唯一o既新鮮生果！沙律幾款除了磨菇個款好D，其他都普通到唔普通，無特別，又唔係好食，冷盤款式好少，唔吸引！
甜品無想像過咁差！話晒都係酒店西餐廳，以為唔會好差，selling point燕窩海鮮自助餐，甜品上唔見太多燕窩，D CAKE好"鞋"，又無特別款式，俾人攪到一pat pat，睇到唔開胃！普通麵包店D CAKE都好食過佢！布丁好似食藥水！小果撻cream太多！
衛生方面都唔係好好，客人亂用食物夾，明明夾焗蠔蓋就用來夾左牛腩，攪到好污糟，問題在於職員唔跟進，控制唔到客人但可以換番一D清潔o既食物夾！本人無去過女洗手間唔知內裡情況，但男性朋友去過只得三格仲要有一格維修！
至於服務，真係唔知點評，開始時就覺奇怪，book左位都要等，酒店buffet喎，又唔係普通餐廳，今日仲要係星期二，唔係假日都會咁？平時食buffet，waiter都會幫閣下不停斟水，但全晚都係斟得兩次，而收碟就更過分，食到成抬都係碟都唔收，我叠到五六隻碟至同我收！仲有，食食下有個waiter突然衝來又無講唔好意思問道：你有無coupon，唉！普通餐廳都唔會咁啦，何況酒店？！食完了，離開時，有三個waiter企o係都門口，都唔識同人客講，多謝，下次光臨！由入場到離場，一句：歡迎光臨／唔好意思／多謝／唔該／下次光臨等等說話都無！連埋單時都無講多謝！一間酒店點會有ｄ咁o既service？！
本人曾試過其他同級酒店o既buffet，味道比呢度好好多，SERVICE亦比呢度好！雖然VISA有8折，就算有免費，亦唔會再到此幫襯！不值再試！
張貼