CoHee Studio

營業中

休息中

呢間野食物及咖啡的質素都ok。先講咖啡，Flat White味道不錯，不過Piccolo Latte就略帶微酸，not my cup of tea。另外由於用紙杯，所以杯咖啡凍得好快，建議如果唔趕時間，真係食到七七八八先叫咖啡會好啲。日式蛋包咖喱飯幾好食，d蛋仲有少少蛋漿滲落d日式珍珠米度，唔錯。蘑菇炒蛋巴馬臣芝士Bagel用料都新鮮，尤其是d蘑菇，d沙律菜都好味，但個Bagel有啲un。煙三文魚牛油果忌廉芝士配意式拖鞋包似乎係咁多樣之中最好食，煙三文魚同牛油果真係prefect match，而且佢個牛油果又夠熟，所以好正。甜味就有啲失望，叫咗Apple Crumb Cake，佢係橫切的一片，所以一心諗住重點出擊的Crumb脆脆嘅份量少咗，不過佢都好食嘅。呢間餐廳唯一缺點就係全部都用用完即棄餐具，極之唔環保，同埋有時幫襯一間cafe，就係想睇吓老闆揀嘅咖啡杯有冇品味。