影片
更多
2018-02-17
564 瀏覽
香港出名嘅冬甩舖好早期都已經執咗，位於旺角的J.co donuts &coffee嘅經營模式就似Starbucks咁，有數個位置可以比客人堂食，一杯coffee再加件冬甩，成為一個完美嘅茶點。因為今日係同屋企人經過，所以買咗半打一路休息一路品嚐。味道同款式好多，但大熱嘅味道大部分都好早賣曬。我地揀咗Oreo（左上）Tiramisu （左中）原味（左下）可可米味（右上）焦糖（右中）榛子（右下）。不得不讚嘅係，佢地嘅冬甩真係做到好鬆軟，佢應該係油炸個款嘅冬甩嚟，但不油膩無負擔感。 不過味道呢，唔係每一款都好食的。Oreo味冬甩，我估佢有浸一層白朱古力或者係Oreo個白色夾心餡先再沾餅碎係面。食落Oreo味唔夠濃，而且浸個一層甜咗啲。雖然餅碎係好多，但餅碎比甜味蓋過咗。可可米味，好經典嘅朱古力冬甩口味，朱古力甜而不膩，冬甩唔單止淨係鬆軟，夾埋可可米，加咗啲脆嘅口感落去，令口感嘅層次豐富咗。Tiramisu味，我唔太推介，除非你係一個超級忌廉控。冬甩面嘅glazing有微微咖啡香，沒有可可粉味，而冬甩中間係注滿大量忌廉，忌廉食到好輕微嘅咖啡味，無mascarpone cheese的味道，而且忌
位於旺角的J.co donuts &coffee嘅經營模式就似Starbucks咁，有數個位置可以比客人堂食，一杯coffee再加件冬甩，成為一個完美嘅茶點。
因為今日係同屋企人經過，所以買咗半打一路休息一路品嚐。味道同款式好多，但大熱嘅味道大部分都好早賣曬。
我地揀咗Oreo（左上）Tiramisu （左中）原味（左下）可可米味（右上）焦糖（右中）榛子（右下）。
不得不讚嘅係，佢地嘅冬甩真係做到好鬆軟，佢應該係油炸個款嘅冬甩嚟，但不油膩無負擔感。 不過味道呢，唔係每一款都好食的。
Oreo味冬甩，我估佢有浸一層白朱古力或者係Oreo個白色夾心餡先再沾餅碎係面。食落Oreo味唔夠濃，而且浸個一層甜咗啲。雖然餅碎係好多，但餅碎比甜味蓋過咗。
可可米味，好經典嘅朱古力冬甩口味，朱古力甜而不膩，冬甩唔單止淨係鬆軟，夾埋可可米，加咗啲脆嘅口感落去，令口感嘅層次豐富咗。
Tiramisu味，我唔太推介，除非你係一個超級忌廉控。冬甩面嘅glazing有微微咖啡香，沒有可可粉味，而冬甩中間係注滿大量忌廉，忌廉食到好輕微嘅咖啡味，無mascarpone cheese的味道，而且忌廉太多，冬甩的主體佔太少，比例有點不合，非常膩口啊。
焦糖味，食落更似牛奶糖味，不像拖肥也不像焦糖。可是它牛奶味重，吃多幾口也是會有膩感。
榛子味，它不是Nutella那類又濃又有可可味，反而是純粹的榛子香淡淡的。本身榛子味都唔濃，杏仁配料太多，杏仁搶曬啲味了。可是杏仁夠脆口，口感昇華。
最後係原味我的至愛，原味有一層薄薄的glazing，咬下去有輕微的脆，好似焦糖布丁層焦糖咁。味道似係麵包舖買嘅砂糖冬甩咁，但無砂糖嘅一粒一粒脆脆口感，好簡單但好美味。
唔知香港幾時會再開更多冬甩店，冬甩真係好好食呀。
張貼
