餐廳比人舒服的感覺,
點菜好先進,店員會比個ipad 客人點菜,所有菜式顯示在ipad 上,直接快捷。仲顯示埋總數幾錢。
我和家姐點了三色丼和炸雞件。
三色丼
好精緻,用咗三個碗仔載著，分別是海膽,吞拿魚肉和蟹肉,蟹膏。好邪惡。但抵受唔到誘惑。
海膽好新鮮,份量都好多,放落口後,慢慢溶化, 好正
吞拿魚好似個小山丘,份量唔少,但味道就相對較淡,同飯撈勻一齊食,都好滋味。
望落蟹膏的顏色不是太吸引,但食落又好香蟹味。空口食有啲“漏”,除了蟹膏還有些蟹肉,這個都要和飯一起食,先感覺到無咁邪惡。
雖然三個飯都細細碗,但食晒都好飽
食咗個三色飯,叫咗個炸雞件做餸,日式炸雞同韓式炸雞大不同。這裡的炸雞有好多件,配了日式沙律醬沒有太厚粉漿,啖啖肉,好香口,沾了沙律醬就唔覺熱氣啦…哈哈
最後叫了2杯可樂,配炸雞一流
食完這餐飯好滿足,同平時食放題,啲質數好好多
