樂樂冰室

營業中

休息中

因為某個原因，我地今日中午入左上水，雖然較早前喺其他地方吃過早餐，但我地仍然一人點了一個午餐吃呢！老公點了特餐定午餐，有一個豬柳麵，一份餐蛋加牛油多士，豬柳可轉牛肉，而餐肉亦可轉火腿，蛋可選煎蛋或炒蛋。原來個餐係意粉或通粉，所以轉一丁麵是要加錢的。其實餐牌可揀既食物不多，見到左下角寫著用水牛芝士做既焗飯及焗意粉，見倒幾吸引，所以決定選焗肉醬意粉。介紹我地嚟呢度既家姐則點了焗豬扒飯。老公點的豬柳麵餐最早到，所謂豬柳，其實跟日式叉燒有點像，這裡做的沒有日式叉燒肥膩，但不知道為什麼有種形容唔到的味道(唔係讚呀！)，感覺一般，由於太飽，又不是我愛的大光麵，所以沒試公仔麵。餐蛋牛油多士也上桌，是厚多呢，正！沒多久，我和家姐點的芝士焗肉醬意粉及芝士焗豬扒飯來了。佈滿芝士的賣相很不錯！撥開芝士，看到肉醬意粉在噴煙呢！試一口，熱辣辣，水牛芝士味不重，肉醬好夠味，意粉幼細，煮得剛好，不過腍但又不太煙韌，整體唔錯既。焗豬扒飯呢？雖然我沒試，但撥開芝士後看到其炒飯底色很淡，雖然標榜鮮茄，但真的看不出半滴茄汁呢！好像味淡淡的。家姐則說快餐店的更好味。茶餐廳嘛！食物質素就是一般，很難找到超水準的！另外，請不要期