影片
更多
2012-05-08
16 瀏覽
早前4,5點經過呢邊 都已經見到好多人排隊 真係好誇張!經過朋友既介紹之下 先知道依間係車仔麵檔~見到咁多人特登排隊黎食車仔麵心諗依間野一定有番咁上下水準於是今日放左學 就去左試依間車仔麵個陣都成6點幾 所以排隊既人唔算多 但係都等左十五分鐘但係佢地既待客之道就真係一般喇：(不過佢只係車仔麵檔..我都唔期望佢地啲態度有幾好佢地由朝忙到晚 體諒下啦!!個陣成6點幾 就黎收鋪 所以啲野食都賣得7788...要乜無乜...有啲失望本身諗住嗌芝心丸 雞翼 蘿白 墨魚丸同烏冬 唔辣!但係個阿姐夾左啲9唔搭8既餸俾我 最尾我個碗車仔麵竟然變左兩粒芝心丸 兩條腸仔 一粒魚蛋 幾粒墨魚丸同烏冬佢俾啲份量好多 幾抵食 墨魚丸仲有幾粒咁多!但係佢事先無通知就是但夾啲餸俾我講得慢個阿姐就黑面...搞到我都唔敢出聲...拿拿聲俾完錢就算啦食一第淡~~~個湯底真係俾到好大驚喜我雖然個湯底辣辣地(我唔識食辣) 但係我都接受到因為個湯底關係 烏冬食落口好甜 唔會一啲味都無個湯底令我好難忘 係全碗麵既靈魂 雖然服務一般 但係我下次都會再食$25 一麵三餸(至少買三款)芝心丸 腸仔 魚蛋 蘿白 墨魚丸就無乜特別!但係湯
經過朋友既介紹之下 先知道依間係車仔麵檔~
見到咁多人特登排隊黎食車仔麵
心諗依間野一定有番咁上下水準
於是今日放左學 就去左試依間車仔麵
個陣都成6點幾 所以排隊既人唔算多 但係都等左十五分鐘
但係佢地既待客之道就真係一般喇：(
不過佢只係車仔麵檔..我都唔期望佢地啲態度有幾好
佢地由朝忙到晚 體諒下啦!!
個陣成6點幾 就黎收鋪 所以啲野食都賣得7788...
要乜無乜...有啲失望
本身諗住嗌芝心丸 雞翼 蘿白 墨魚丸同烏冬 唔辣!
但係個阿姐夾左啲9唔搭8既餸俾我
最尾我個碗車仔麵竟然變左兩粒芝心丸 兩條腸仔 一粒魚蛋 幾粒墨魚丸同烏冬
佢俾啲份量好多 幾抵食 墨魚丸仲有幾粒咁多!
但係佢事先無通知就是但夾啲餸俾我
講得慢個阿姐就黑面...搞到我都唔敢出聲...拿拿聲俾完錢就算啦
食一第淡~~~
個湯底真係俾到好大驚喜我
雖然個湯底辣辣地(我唔識食辣) 但係我都接受到
因為個湯底關係 烏冬食落口好甜 唔會一啲味都無
個湯底令我好難忘 係全碗麵既靈魂 雖然服務一般 但係我下次都會再食
$25 一麵三餸(至少買三款)
芝心丸 腸仔 魚蛋 蘿白 墨魚丸就無乜特別!
但係湯底可以搭夠 真係令人回味再三
同埋個度啲室內環境都算係唔錯既 幾舒服 都唔算逼(可能6點幾個陣比較少人!)
同埋我食個陣有一個疑問...........
明明我係堂食 但係佢地都要用發泡膠豌黎裝住啲麵呢?
唔通連洗碗都懶? 人手真係少到咁??????
張貼