喜喜冰室 (已搬遷) 新店位置

唔係講笑，呢度d二人台邊夠位食野架？好彩一見有位就請哥仔幫我地轉左位。心情靚靚馬上叫左個雞一批浮台餐，入面仲有香蕉pancake，本身對呢個pancake無咩期望，但最回味就係佢，可能因為佢細細份啦。個雲尼拿汁係精粹，好味到識飛，連唔食甜既呀q都讚佢好味！個pancake就煎到入面淋淋地，好似外國餐廳食果種，宜家諗番都想食呀！大家都成日講呢個唔好食，我認為只係唔夾，豆豆湯好清新，雞批都香口，但放入去濕左真係馬上扣哂分呀，我拿拿臨夾佢出黎食。西多都要讚，口感好好，好足蛋味，咁大舊食落唔覺boring，good呀！絕對要再黎試其他野！*另外發現佢二人台會有張小蓉俾人放袋，連廁所都有，好體貼。