麻辣派對 (金百利廣場) (已結業)

呢排不停食辣野、熱氣野，務求唔爆瘡唔心息。今次就去左想去好耐既麻辣派對，川菜呢味野，你估個個肯陪你食到面容扭曲咩先黎黑木耳，同某米粉店差唔多味道，黑木耳都幾爽脆，味道唔會太辣，凍凍地好易入口。酸辣水晶粉雖然索價不高但交足功課，水晶粉份量十足，湯底味道唔會太淡，仲有唔少肉碎同炸榨菜作配菜。麻辣雞煲（半隻）店家將雞件切得較細，方便進食，都有20件左右，有雞翼有翼尖。雖然係中辣，但一般食辣人士絕對無問題，辣中帶麻而且好入味。山城回銅肉中，椰菜份量不少，用豬腩肉薄片炒成，但這個菜的中辣俾其他幾碟既辣道較高，可以落得多辣椒。要注意點回鍋肉可能要減辣。朋友講返話呢個回鍋肉幾正宗，味道唔錯。每人一杯水果茶，水果茶入面有原粒菠蘿、火龍果及西瓜，絕不希場。另外，送上甜品桂花果凍，味道唔太濃，但桂花味清新可口，要來減一減食完辣野既口氣幾好。埋單$400，試下新野都幾好，下次再試水煮魚。