FRITES Belgium on Tap (曦巒) (已搬遷) 新店位置

銅鑼灣希雲街開左好多食店，有港式、日式、西式，有茶餐廳、有刨冰、有拉麵...真係變左一條食街。今次去左比利時菜嘅Frites Belgium on Tap，其實自己對比利時菜都無咩概念，不過朋友極力推介，當然要試下。餐廳樓底好高，雖然客人好多，但都有空間感。前菜係炸蕃薯條同Super Protein Salad，蕃薯條雖然炸得有啲乾，但超甜，一條接一條，食唔停口。主菜點了Pork Knuckle，皮脆肉嫩，主食係2款意粉，素食意粉係香蒜橄欖油，十分惹味，另外就係虎蝦配青口海鮮意粉，海鮮配白酒汁，的確一絕。最後要介紹南澳洲青口1Kg，配上白酒汁、香蒜及香草，鮮甜美味，難怪每張檯都會Order。本來最後想以蘋果批做終結，可惜忘了Pre-Order，唯有留待下次再試，成為一個缺陷美。