火鍋撚 (雲明行) (已結業)

今日去左中環做嘢，走個陣撞到朋友，就問我一唔一齊食飯，食好嘢當然去啦。選擇困難症發作之下最後㨂左去火鍋撚打邊爐。上到去，好中式嘅裝修，好精緻典雅。坐低叫左湯底先，我地點左麻辣同老火湯鴛鴦鍋，好快就黎咗，老火湯好夠火喉，好足料，味道香濃鮮味，麻辣湯香口，辣味有層次，結果未開始食個老火湯已經俾我地飲晒，加湯都係加返原本嘅湯底，唔錯。飲湯期間其他嘢食陸續咁到晒。每一樣都好精緻，響鈴係即炸即上，跟埋醬汁可以即食！牛肉球好新鮮，未試過用嚟打邊爐。水晶叉燒包好足料，入口嘅口感好豐富，咁既配搭都未試過。其他配料都一樣咁出色，絕對係高質素嘅火鍋之選。埋單仲會有甜品腐竹糖水沙冰送，好好味好有心思。無諗過打邊爐都可以咁特別