影片
更多
2022-05-16
846 瀏覽
第1次寫食評，真係忍唔住要寫身邊人成日聽朋友講點好食點好食。好啦今日五點幾去到， 省得排隊。坐低第一時間服務員用餐盤捧住幾碟花生(後來睇到好似叫泡菜， 花生， 豆， 青瓜)問要唔要， 見個樣唔錯就要碟啦。味道ok。兩個人點咗，大名鼎鼎嘅招牌片皮鴨半隻, 同埋水煮魚。等咗大約半個鐘兩樣嘢到。片皮鴨: 嚟到係冇乜香味， 賣相色澤就好靚， 份量好似你去食個燒鴨飯咁上下多。大約係八片左右。半隻？唔用皮包，直接試下塊鴨皮， 鴨油香味係零！帶一種油炸嘅味道。正式用皮包試正宗食法。衝口而出第一句"東門廿蚊一盒都好食過佢"(東門廿蚊一盒6件包好， 用透明盒裝， 排長龍買嘅。明就明)水煮魚: 正常份量， 魚塊多而厚，滑嘅， ok嘅。可惜食唔到味。食嘅時候表面包住水煮嘅汁，油。食落魚有魚味， 油有油味。但係滆合唔到， 分開嘅， 即係魚肉入唔到味。服務: 我哋想叫兩杯熱水前後叫咗三個侍應見到， 兩個扮睇唔到， 其中一個，心口有個牌寫住執台專員。 第三個係男嘅應該係經理， 好不容易攞到兩杯水。埋單嘅時候竟然係頭先扮睇唔到嗰個執台專員負責收錢！總結，呢餐最好食就係碟花生。 兩個人同感， 期待咗咁耐，但係試一次就
身邊人成日聽朋友講點好食點好食。好啦今日五點幾去到， 省得排隊。
坐低第一時間服務員用餐盤捧住幾碟花生(後來睇到好似叫泡菜， 花生， 豆， 青瓜)問要唔要， 見個樣唔錯就要碟啦。味道ok。
兩個人點咗，大名鼎鼎嘅招牌片皮鴨半隻, 同埋水煮魚。等咗大約半個鐘兩樣嘢到。
片皮鴨:
嚟到係冇乜香味， 賣相色澤就好靚， 份量好似你去食個燒鴨飯咁上下多。大約係八片左右。半隻？唔用皮包，直接試下塊鴨皮， 鴨油香味係零！帶一種油炸嘅味道。正式用皮包試正宗食法。衝口而出第一句"東門廿蚊一盒都好食過佢"
(東門廿蚊一盒6件包好， 用透明盒裝， 排長龍買嘅。明就明)
水煮魚:
正常份量， 魚塊多而厚，滑嘅， ok嘅。可惜食唔到味。食嘅時候表面包住水煮嘅汁，油。食落魚有魚味， 油有油味。但係滆合唔到， 分開嘅， 即係魚肉入唔到味。
服務:
我哋想叫兩杯熱水前後叫咗三個侍應見到， 兩個扮睇唔到， 其中一個，心口有個牌寫住執台專員。 第三個係男嘅應該係經理， 好不容易攞到兩杯水。
埋單嘅時候竟然係頭先扮睇唔到嗰個執台專員負責收錢！
總結，呢餐最好食就係碟花生。 兩個人同感， 期待咗咁耐，但係試一次就夠了。
張貼